upacara adat pangantenan urang sunda

seueur anu mundut pitunjuk ngeunaan upacara adat pangantenan sunda, dina kanyataana barudakkiwari kudu mikawanoh rupi-rupi adat khususna ngeunaan pangantenan urang sunda.tina hal prak-prakanana, model naskah, sareng kateranganana matak pikabungaheun pikaseurieun,tawis karuhun sunda seueur keneh anu pada mirosea.sumangga urang titenan hiji-hijina.
1. Tatahar
dina boga niat hayang ngalaksanakeun hajat rongkah tangtuna urang kudu boga tatahar anu bener-bener  pas.anu engkena dina waktu prung na acara henteu acak-acakan,tataharna diantarana:
a. nyusun kapanitiaan
b. parabot kaperluan
- parabot tuangeun
(dina waktuna ulah nepi ka kurang sendok hiji ge, luyukeun sareng jumlah tamu, jsb)
-parabot kasenian
-parabot upacara adat
-sound sistem
-korsi/meja
-anggoan
2.Runtuyan acara
Upacara adat
Sateuacan akad Nikah
1.Neundeun omong
nyaeta pihak sepuh pameget natamu ka sepuh istri, ngobrol bari lulucon ngangge siloka-siloka basa anu maksudna nyeleksek naha geus aya nu miboga atawa can aya nu miboga.
biasana sok aya acara silih kirim barang, kujalan kitu geus ngarti si calon panganten awewe geus aya nu neundeunan omong.

2. Nanyaan/ngalamar
biasana natamu nu kadua sepuh pameget sok nyandak kokolot bari barang candak
-lemareun sapuratina hartosna ngandung piwuuruk seureuh anu daunna juru tilu mencos kahandap mun dituang nya lada,nya bau, gambir rasana pait jeung kesed apu nya pait nya matak tutung, tapi lamun dihijikeun janten lemareun matak nikmat pisan malihan mah landong kana waos sareng bau baham

-anggoan istri tawis  ngawitan mere tanggung jawab ti pameget ka hiji istri pibatureun hirup

-cingcin meneng silokana nyaeta cingcin nu teu aya tumbuna yen rasa kaasih sareng kacinta teh taya tungtungna.

-beubeur tameuh nu disimpen leresan udel maksudna lamun tos silih beubeuran silih panyangcang pikir moal milih deui nu lian.
3. nyandakeun seserahan
nyaeta natamu anu katilu anu nyandak seserahan,masrahkeun calon panganten pameget ka panganten istri bari sakantenan masrahkeun biaya kaperyogian pertikahan.

4. ngecagkeun aisan
nyaeta upacara adat anu ngandung siloka urang tileuleutik di aais ku nu jadi kolot, ayeuna waktuna aaisan di ecagkeun lantaran bakal aya anu mawa nyaeta salakina.

5. ngaras
nyaeta sungkem ka ibu ramana, neda panghampura,sabada sungkem ngawasuh dampal sepuhna, caina bakal dihijikeun sareng cai kangge siraman.

6.Siraman
7.ngerik
sabada siraman teras ngerik bulu-bulu anu aya dina raray , punduk ameh pupur sae napelna ku juru rias.

9.Ngeuyeuk Seureuh

Waktu Akad Nikah
-Bubuka
-papasrahan calon panganten
-wuwuruk
-akad nikah
-sungkem
-du'a

Sabada akad nikah
- sawer panganten
-nincak endog
-buka pintu
-huap lingkung
-ngaleupaskeun japati
- numbas

sumber tina upacara adat pangantenan kengeng M.sopandi S.H sareng drs h sukarna s

rupa-rupa panyaraman

A. Panyaraman kalakuan kurang hade

1. ulah heheotan bisi leungiteun beas\uyah
2.ulah heheotan tipeuting bisi disampeurkeun urang leuweung
3.ulah ditiung ranggap bisi kotokeun
4.ulah ngawur-ngawur uyah bisi nyeri tuur
5.ulah lalangiran bisi maot indung
6.ulah diuk dina nyiru bisi sakalor
7.ulah nyiduh sisi hawu bisi loba anak
8.ulah ngompolan ruhak bisi nyeri ngompol
9. ulah ulah ngeusian cai pinuh teuing bisi kawiwirangan
10. ulah dahar pipindahan bisi loba salaki
11. ulah diangir sore-sore bisi maot dipangumbaraan
12.ulah kacai magrib bisi katerap panyakit
13.ulah nyeungseurikeun nu hitut bisi ompong
14. ulah ngadiukan bantal bisi bisul
15.ulah ngadahar cau sisina bisi kasingsal
16. ulah dahar dina piring kohok bisi jadi cacah kuricakan
17. ulah nyebut apu lamun meuli apu tipeuting bisi matak tutung kana letah atawa biwir kudu nyebutna "tai manuk"

B. panyaraman keur nu kakandungan

1. ulah lila di cai bisi kalenger
2.ulah mawa botol dicekel huluna bisi budakhulu peutieun
3.ulah ngalengkahan songsong bisi sungsang
4. ulah ningali mayit bisi budakna sawan bangke
5. ulah mandi silanglang
6. ulah sare teu make bantal bisi hese ngalahirkeun
7. ulah ditiung ku baju bisi hese ngalahirkeun

C. panyaraman keur awewe nu can kawin
1. ulah make baju ngaleleke bisi teu boga anak
2. ulah mangku wadah seureuh bisi dicandung
3.ulah  nincak nyiru bisi remen labuh hareupeun mitohareuh
4. ulah dahar make piring ngarangkep bisi dicandung
5.ulah diuk dina lawang panto bisi nongtot jodo
6.ulah nyokot beas nu keur ditutu bisi teu jadi papacangan
7.ulah nyoo beas bisi digadabah ku dahuan


sumber tina peperenian kengeng Drs.Ahmad hadi